Онхойская сельская библиотека

Айар дьоҕурдаах дьоммут

Кинигэҕэ Аһыкай нэһилиэгэр олорон ааспыт кырдьаҕастар ахтыылара, үһүйээннэр, олоххо буолбут түбэлтэлэр хомуллан киирдилэр. Хомуйан оҥордо: Тимофеев Анатолий Спиридонович. 2015 сыл.

ССРС Государственнай бириэмийэтин лауреата, РФ ,Саха АССР үтүөлээх артыыһа Симон Петрович Федотов айымньылаах олоҕун сырдатар ахтыылар, ырытыылар, хоһооннор, бэчээккэ тахсыбыт ыстатыйалар, тылбаастар, хаартыскалар түмүллэн киирдилэр. Хомуйан оҥордо: И.К.Чиряев. 2017 сыл.
Киһи ис киэлитин кистэлэҥэ , өйүн-санаатын далайа муҥура суох. Бу кинигэ саха театральнай искусствотын чулуу бэрэстэбиитэлэ, Россия, СР үтүөлээх артыыһа, ССРС Государственнай бириэмийэтин лауреата Симон Федотов баараҕай талаанын биир чаҕылхай өрүтүн арыйар. Кини уйаҕас иэйиилээх , дириҥ толкуйдаах хоһоонньут быһыытынан Олох, Ийэ дойду, Киһи туһунан тус-бэйэтин санаатыттан үллэстэр. 2005 сыл.
Кинигэҕэ Үөһээ Бүлүү талааннаах ыччата, республикаҕа биллэр оһуохайдьыт, Саха республикатын культуратын туйгуна Вадим Константинов араас кэмнэргэ ыыппыт тэрээһиннэрин сценарийдара хомуллан киирдилэр. 2015 сыл.
Кинигэҕэ Үөһээ Бүлүү талааннаах ыччата, республикаҕа биллэр оһуохайдьыт, Саха республикатын культуратын туйгуна, Саха сирин Дархан этээччитэ, Республикатааҕы “Оһуохай” түмсүү 25 сылыгар аналлаах “Саха омук иннигэр аарыма үтүөтүн иһин” анал бэлиэлээх , Оҥхой нэһилиэгин бочуоттаах олохтооҕо Вадим Константинов араас кэмнэргэ суруйбут хоһоонноро , ахтыылара киирдилэр. Аааҕааччы киэҥ араҥатыгар ананар. 2017 сыл.
Хомуурунньукка ааптар араас кэмҥэ суруйбут , омос көрдөххө, судургу курдук эрээри олоҕу олус дириҥник хорутан анаарыыта, сиэр-майгы , күннээҕи олох-дьаһах , түбүк-садьык , тулалыыр айылҕа , төрөөбүт дойду, таптал туһунан истиҥ-иһирэх иэйиилээх хоһоонноро киирдилэр. Кинигэ ааҕааччы киэҥ араҥатыгар ананар. 2019 сыл.
Үөһээ Бүлүү оройуонун Оҥхой нэһилиэгин оҕо саада тэриллибитэ 50 сылын туоларыгар аналлаах ахтыылар. Хомуйан оҥордо: Андреева Маргарита Дмитриевна. 2010 сыл.
Айар куттаах оҕолор түмсүүлэрин баст акы кинигэтэ. сахабыт сирин элбэх улуустарыттан уһуйаан иитиллээччилэрин уонна оскуола оҕолорун хоһоонноро, кэпсээннэрэ киирдилэр. Оҥхой нэһилиэгиттэн Саная Федорова, Васильев Анатолий, Егорова Анджелина, Михайлова Юлиана хоһоонноро киирдилэр. 2021 сыл.
Бу кинигэҕэ Оҥхой нэһилиэгин олохтооҕо, дьон-сэргэ убаастыыр киһитэ Анна Афанасьевна Васильева сахалыы сайаҕас хоһоонноро , чугас-аймах билэ дьонугар анаммыт алгыстаах эҕэрдэлэрэ киирдилэр. 2022 сыл

Саха народнай поэта П.Н.Тобуруокап түмэл-уһаайбатыгар 2019с. алтыс төгүлүн ыытыллыбыт хоһоонньуттар көҥүл түһүлгэлэригэр ааҕыллыбыт хоһооннор , хаһыакка тахсыбыт ыстатыйалар киирдилэр. Кинигэҕэ Оҥхой нэһилиэгиттэн Васильева Глафира Спиридоновна хоһоонноро киирдилэр. 2019 сыл.

Контакты

Адрес: 678230, Республика Саха (Якутия), Верхневилюйский улус (район), с. Верхневилюйск, ул. Октябрьская, дом 17

Email: vvlib@mail.ru
Телефон: +7 (4113) 34-12-28

О нас

Мы сеть из 23 библиотек Верхневилюйского улуса

Централизованная библиотечная система состоит из Центральной модельной библиотеки им. О.Д. Федоровой, детской библиотеки и 21 библиотеки-филиала

Часы работы

Понедельник, вторник, четверг, суббота
10:00 — 18:00

Среда, пятница
11:00 — 19:00

Воскресенье
Выходной

2025 © МКУ "Верхневилюйская МЦБС"