Оҥхой нэһилиэгэр Комсомол күнүн икки көлүөнэ олохтоох библиотекаҕа истиҥник бэлиэтээтэ.
Тэрээһиҥҥэ С. П. Федотов аатынан сүрүн оскуола иһинэн “Үрдэл” оҕо хамсааһынын тэрилтэтин оҕолоро уонна аҕа көлүөнэ комсомол аатын сүкпүт комсомолецтары кытары
“Эн комсомол – мин дьолум!” диэн ааттаах төгүрүк остуол ыытылынна. Комсомоллар бары урукку кэмнэрин ахтан-санаан ыллылар, хаартысканан кэпсээтилэр. “Үрдэл” оҕо хамсааһынын оҕолоругар үөрэҕи, үлэни дьүөрэлээн, араас тэрээһиннэргэ көхтөөхтүк кытталларыгар бэйэлэрин үтүө холобурдарын тиэртилэр.
“Комсомол историятын төһө билэҕин?” диэн викторинаҕа хамаанданан арахсан кытыннылар, урукку кэм оонньууларын оҕолорго оонньоотулар. Оскуолабыт президенэ Антон Иванов оҕолор ааттарыттан комсомолецтарга махталын эттэ уонна Тимуровскай хамаанда тэринэн, аҕам саастаахтарга, байыаннай дьайыы кыттыылаахтарын төрөппүттэригэр көмөлөһөллөрүн сырдатта.
Түмүккэ хамаанда кыайыылаахтарыгар добун суруктар, көхтөөхтүк кыттыбыттарга туоһу суруктар туттарылыннылар.
Комсомол күнэ икки көлүөнэҕэ олоххо күргүөмнээх сыһыаны, сырдыкка-кэрэҕэ тардыһыыны иҥэрдэ.
