Сэтинньи 14 күнүгэр Үөһээ Бүлүү улууһун Оҥхой нэһилиэгэр Аһыкай Сайылыгар А.Е. Кулаковскай –Өксөкүлээх Өлөксөй, кулуба Кривогорницын С.А. тэрийбит ыһыаҕар сэргэ туруорбута 120 сылын туолуутугар билим регионнааҕы конферецията ыытылынна. Конференция Олоҥхо декадатын иитинэн ыытылынна.
О.Д.Федорова аатынан киин модельнай библиотека «А.Е. Кулаковскай-Өксөкүлээх Өлөксөй нэһилиэстибэтэ уонна үүнэр көлүөнэ» диэн конференция I олугун үлэтин тэрийэн ыытта. Барыта 16 дакылаатынан кытыннылар.
Секция үлэтин олус сатабыллаахтык М.К. Аммосов аатынан ХИФУ А.Е. Кулаковскай институтун научнай сотруднига, педагогическай наука кандидата Дарбасова Светлана Дмитриевна иилээн-саҕалаан ыытта.
Биһиги нэһилиэктэн
А.Е.Кулаковскай-Өксөкүлээх Өлөксөй тыл үөрэхтээҕэ, учуонай», Семенов Ярослав, Оҥхой оскуолатын 9 кылаас үөрэнээччитэ, салайааччыта Илларионова Марина Гаврильевна «Өксөкүлээх Өлөксөй Аһыкай алааһыгар умнуллубат сырыыта», Отов Герман Егорович «Үс кут-Үс сэргэ» республиканскай түмсүү үлэтин туһунан,кыраайы үөрэтээччи Тимофеев Анатолий Спиридонович ” Өксөкүлээх тэрээһиннэригэр айылҕа дьиктилэрэ” дакылаадынан кыттыыны ыллылар.
