Бүгүн ГЕРОЙДАР күннэрин иитинэн “Дьоруой сардаҥата” акция улуус үрдүнэн ыытылынна. Бу акция Анал байыаннай дьайыыга Аҕа дойдуларын көмүскүүр иэстэрин толоро сылдьан дьоруойдуу өлбүт биир дойдулаахтарбыт, уолаттарбыт ааттарын үйэтитэн, кэнчээри ыччакка дойдуга тапталы, бэриниилээх буолуу санаатын иитэр сыаллаах ыытылынна.
Оӈхой нэһилиэгин С.П.Федотов аатынан сүрүн оскуолатыгар Анал байыаннай дьайыыга олохторун толук уурбут биир дойдулаахтарбытын – Болтоков Иннокентий Иннокентьевич- “БОЛТ”, Федоров Владимир Анатольевич-“Эрхан” уонна биир дойдулаахпыт Алексей Петров-“Медведь” хорсун быһыытын туһунан
ахтан-санаан аастыбыт, сүһүөхпүтүгэр туран кэриэстээн кутурҕан мүнүүтэтэ буолла.
