⭐ Бэс ыйын 12 күнүгэр Үөһээ Бүлүү нэһилиэктэрин түмсүүлэрэ Оҥхой нэһилиэгэр ыһыах ыстылар.
Кэнтик, Тамалакан, улуус түмсүүлэрэ, Хоро, Далыр нэһилиэктэрин түмсүүлэрэ мустан, ыһыах араас : өс хоһоонун ситэрии,таабырын таайыы, остуоруйалары таайыы,сымыыт хомуйуута, ынах кырыйыыта ,күөгүлээһин дистанцияннан араас күрэх
көрүҥнэринэн илин- кэлин түсүһэн, үөрэн- көтөн тарҕастылар.
Барыта 6 нэһилиэктэн 8 түмсүү кыттыыны ылла. Кэлбит ыалдьыттарбыт парадтан саҕалаан, эҕэрдэ концертка кыттан араас культурнай, спортивнай күрэхтэри кыайа туттулар.
Эбиэт кэмигэр нэһилиэктэрбит түһүлгэлээн олорон ыһыах сандалы остуолун тардынан,
Оҥхойбут нэһилиэгин
” Сатабыл” түмсүү бэлэмнээбит итии чэйинэн, итии кус,эт
миининэн, арыылаах алаадьынан,көбүөрдээх лэппиэскэнэн, быырпаҕынан бар дьону күндүлээтилэр. Ыһыахпыт бастыҥ күрэҕинэн “Алаас Хотуна-2023” буолла. Барыта 7 Далбар Хотун күрэхтэстэ. Ол түмүгүнэн
“Көрөөччү биһирэбилэ” анал ааты Үөһээ Бүлүүттэн Борисова Л.Ф. ылары ситистэ.
“Уран Хотун” ааты Кэнтик нэһилиэгиттэн Прокопьева Е.В. ылла.
“Уран тыл ууһа” анал ааты Оҥхой нэһилиэгиттэн Никифорова Н.С.,
“Талаан Хотун”анал ааты Үөһээ Бүлүүттэн Иванова В.В.,
“Мааны Хотун” анал аат Тамалакаан нэһилиэгиттэн Бетчитова А.Е ыллылар.
Маны сэргэ “Алаас Хотун” муҥутуур кыайыыглаах ааты Хоро нэһилиэгиттэн Октябрина Филиппова ылыан ылла. Бары да талба талааннара бар дьону үөртэ.
“Оһуохай дуораана ыраахха дуорайдын” оһуохай күрэҕэр, “Солкоҕо саарбаҕа сууланан” сахалыы таҥас күрэҕэр бука бары кэлбит нэһилиэктэр кыттыыны ыллылар.
Уопсай күрэх түмүгүнэн:
1 м – Хоро нэһилиэгэ
2 м – Үөһээ-Бүлүүттэн “Көмүс сүүтүк”
3 м – Кэнтик нэһилиэгиттэн “Сайдам” түмсүү
4 м – Үөһээ Бүлүүттэн
“Дьүөгэ” түмсүү ыллыллар.
Бары кэлбит нэһилиэктэрбит талба талааннарын көрдөрөн, бэйэлэрэ оҥорбут быыстапкаларын туруоран, бар дьон сэҥээриитин ыллылар.
Ол курдук, эһиилги түмсүү ыһыаҕа Хоро нэһилиэгэр ыытыллара былааннанар.
