Үөһээ Бүлүүм үтүө сирим,
Үөрбүт-көппүт күндү дойдум,
Сырдык ырам сырдык суола,
Кииним түспүт кэрэ иэнэ.
Ыллыыр ырыам тылын истиий,
Дьоһун-мааны дойдум дьоно,
Дьоллоох үтүө соргум аана
Алгыс курдук айхал сирэ.
Ааккын ааттаан уруй туойан,
Өрүү өрө тута сылдьыам,
Ыллыыр-туойар дьоро киэһэ
Үөһэ тардан үөрэ-күлэ.
Дьоллоох буолууй дьоһун дойдум,
Үөрэр буолууй миигин көрсө,
Үүнэр-сирим -үтүө аатым
Үөһээ Бүлүүм күндү дойдум
ВАДИМ КОНСТАНТИНОВ
